Heilt enkel Nøstebarngenser

No i januar har eg strikka gensrar i restegarn. Har brukt mykje dei tynne i 2-tråds Merinoull til ungane; dei er supre under jakke, fine inne og gode året rundt. Eg er veldig glad i Rullegenseren (#1931 + Strikk til nøstebarn), men den er litt vid? Bestefartrøya (#1945 + Strikk til nøstebarn) er smalare, men eg har fått tilbakemelding om at den er litt snau på lengda. Eg har no derfor tatt det beste frå dei begge: kantane frå rullegensaren, vidda til bestefartrøya og lagt til ein del på lengda. Hadde lyst at oppskrifta skulle vere heilt enkel slik at alle kan få den til. Har derfor kutta ut halsfellinga fordi det fungerer heilt fint uten når ein har ribbestrikk eller rullekantar. Takk til Ella og Aksel som stilte som modellar :-)

Her er Ella 4 år i str 4 år. Genseren er heilt enkel i 2-tråds merinoull med rullekantar. Mange fargar. Synes det vart overraskande fint med det oransje og raude mot lyngfargen.

Her er bilete av restane eg brukte. Kvart nøste vart ei stripe på gensaren. Det var ganske overraskande kor langt ein kjem med eit bitte lite nøste. Eg avslutta stripa akkurat der det var slutt på tråden, så skøytane kjem over alt på gensaren og ikkje bare i sida slik eg pleier. Erma har dei same fargane men breidda på stripene er ikkje like lange.

For å gjere festinga av trådane enklare og for å få ein effekt strikka eg 10-12 masker med både den fargen eg snart var tom for og den nye fargen. Det blir derfor eit lite stykke som blir melert/hakkete mellom stripene. Det framheva at det er ein restegensar og vart ein artig effekt. Eg har høyrt at ein ikkje treng å feste trådane om ein gjer det, men eg sydde endane inn på vranga likevel.

Då eg var ferdig med gensaren hadde eg framleis mange smånøster att. Ville prøve restegarnstrik i litt rolegare former. Eg strikka derfor ein ny gensar der eg hadde fargen 75 Vårgrønn som hovedfarge og striper på  4 omg med restegarnfargar:

Her er Aksel 8 mnd i str. 1 år. Som de ser har eg her vore heilt vill og gal og laga erma ulike i fargane. Fungerte heilt fint det? Det var mange av fargane som var veldig fine å stripe med vårgrønn. Fargane i stripene er 92 Naturbrun, 51 Lys blå, 52 Dueblå, 74 Gressgrønn, 13 Mokka, 12 Naturbrun og 11 Naturbeige.

Genseren har eg kalla "Helt enkel nøstebarngenser". Sikkert fin i heilt einsfarga og. Med eller uten påsydd dekor. Oppskrifta finn du på nettsida til Nøstebarn under Gratisoppskrifter