Slitne pysjføter

Pysjane  i ullfrotte er mange sin favoritt. Det er eigenetleg lurast å kjøpe pysj utan fot frå ungane byrjar å gå, for foten blir fort slitt. Og spesielt om ungane går ein del rundt i den og ikkje berre bruker den i senga. Men eg synes pysj med fot er så godt, så eg har brukt det på mine fram til dei er ca 4 år. Så har eg heller tatt bryet med å fikse slitne føter..

 Dersom foten det har kome hol, men resten av foten ikkje er særleg slitt, er det greit å setje på ein lapp eller stoppe holet:






på undersida..

..eller oversida..

Dersom store delar av foten er slitt er det lurt å sy på ny sole. Tegn av foten på pysjen på papir. Klypp ut og bruk som mønster på eit litt tjukt tova ullstoff. Sy på med forsting eller kastesting? Greit å leggje noko inni medan du syr, til dømes stoppesopp eller tresleiv.

Dersom lappar og føter er veldig slitt er det greit å gjere noko anna. Her er Hansemann sin pysj frå i fjor.

Klypp av foten på pysjen og la den vere som den er eller sy på kant. Korleis du syr på kant for du steg for steg i morgon.

Eller du kan sy på ny fot: Eg plundra litt først, men så fant eg ein veldig grei måte å gjere det på:

Klypp av foten
Tegn fyrst av solen på eit papir. klypp deretter solen frå overdelen og tegn av overdelen. Klypp delane ut i ullstoff med 1 cm saomrom. (Dersom pysjfoten var litt liten kan du leggje til litt på lengda, men husk då å gjere det på begge delar.)

Sy overdelen til framsida av pysjen.
Sy solen til overdelen og baksida av foten.