Velkomen inn!

Eg har bursdag i dag (kongen og eg..)
Og kva bruker eg dagen til? Jo ryddar arbeidsrommet. Eg har sett andre lagt ut bilete av arbeidsrommet sitt på bloggar og i reportasjar: Alt står i stil, alt er sortert etter farge og det heile ser retteleg innbydande ut.
Mitt arbeidsromm ser ikkje slik ut..

(Akkurat no er eg veldig glad for at Mamma ikkje har internett.. og så må eg berre leggje til at det absolutt ikkje ser slik ut i resten av huset) Eg veit at bileta er mørke og det er heilt greit ;-)

Då me budde i Oslo hadde eg arbeidsrom inne på soverommet. Kennethmannen stilte to krav: Det skulle vere fri passasje til senga og det skulle ikkje liggje noko på hans side av senga når han kom for å leggje seg.
Eg har heile etasje i huset og her har eg verkstad. Kenneth plar å advare dei som er på veg opp om at det ikkje er for dei med svakt hjarta ;-) Rommet er ca 30 kvadrat (og inneheld ikkje få kubikk med utstyr.) Det har vindu på 3 av veggane og eg har utsikt over halve nabolaget. Dei dagane eg ikkje er på reis sit eg her og arbeider for Nøstebarn. Kvar gong eg har ein razzia på arbeidsrommet og det er reint og ryddig er eg heilt klar på at eg skal halde det slik. Men det blir liksom ikkje tid. Held nok på med for mange ting på ein gong:

• Nye oppskrifter og kler til Nøstebarn
• Nøsteblogg
• Forberedar (og ryddar vekk) ting til diverse foredrag eg held rundt om kring
• Kurs på Om igjen og andre stader
• Fiksekveldar med venninner
• Stadig nokon som har bursdag.
• Verkstad på Søndagsklubben i Hånes kyrkje
• Følgje opp bøkene mine
• Og så er det alltid nokre idear eg må prøve ut..

Eg har husstøvmiddallergi og det er ofte den som gjer at eg endeleg tar meg ei "toksa" og får ordna opp. Det meste eg held på med generere mykje støv. Det hadde nok også vert ein ide å halde seg til eit av materiala garn, tekstil, papir, metall eller papir.

Får ofte spørsmål om det er trist å sitje åleine å jobbe kvar dag. Eg saknar jo kollegaer innimellom.  Eg er jo ofte på reis til hovudkontoret og dei andre avdelingane. Det blir jo også ein del telefonar og så er kontakten med alle dykk via bloggen kjekk.

Men eg har ein liten kollega:
Hels på Jesper, 2,5 år. Han er nokså bedageleg og han tek som regel den kontorstolen eg ikkje bruker. I eit hjørne av rommet har eg "fotostudio" og ikkje så skjelden blandar Jesper seg i fotograferinga. Han synes nok og at eg har fingane for mykje på tastaturet og for lite på han. Løysinga på det er at han legg seg over tastaturet. Då må eg jo kose litt.



Men fordelane med å ha arbeidsromm heime og åleine er mange:

• Kan spele kva eg vil på Spotify
• ..og kor høgt eg vil
• Eg kan dasse rundt i joggebukse dagen lang
• Kort vei til og frå jobb
• Treng ikkje barnevakt om Kennethmannen er vekke og eg vil jobbe.
• Det dukkar sjeldan nokon opp, så arbeidsrommet kan sjå ut akkurat slik eg vil.
• Ingen som klagar over at eg ikkje ryddar opp etterkvart.. 

No er arbeidrommet rydda og reint og eg er klar for nye prosjekt i mitt 37. år :-)

Her er "klippebordet" mitt: Sett saman av to hyller frå Ikea. Både eg og ryggen min trives godt med at eg står og jobbar innimellom. Akkurat no klypper eg lappar til butikkane.

Når ein har bursdag har ein vel lov å ønske seg noko? Så her er mi ønskeliste:

• At nokon skal lære meg opp på strikkemaskinen min
• Å få litt fleire timar per døgn
• At strikking kan forbrenne like mange kaloriar som jogging
• Sjokoladekake (saftig, med masse glasur og absurd mykje pynt mmmm)
• At eit flyselskap kan setje opp direkterute Kjevik - Stord (eller i det minste Haugesund!)
• Nytt kjøken

 Og så til vinnaren av konkurransen forrige veke:

Og vinnaren vart:

Lindis sa...

Synes den røffe lappinga var stilig! Det burde jo tilogmed jeg som ikke har symaskinlappen få til :) :) Veldig gode tips og ideer i denne bloggen! TAKK!!

14. februar 2011 13:03

 Send meg ein E-post, Lindis! (Kathrine@nostebarn.no)
Så er lappeposen er snart på veg til deg :-)





Det var siste lappeposen. Premien denne veka er eit eksemplar av Brukt på nytt. Som vanlig vert vinnaren trekt av kommentarane som kjem inn i løpet av veka. Minner også om Ullvølkonkurransen. Det er kome inn mange fine bidrag, men fristen for å sende inn bidrag er ikkje før 28.februar. Les meir om konkurransen her

Og så ønsker eg alle ein fin dag! 
Eg skal feire med fleskepannekaker til middag :-)
(og for dei som ikkje kjenner omgrepet "fleskepannekaker" kan eg sei at det er pannekaker, servert med bacon og frukstuppe/syltetøy/sukker. Då eg bude heime var det den som hadde bursdag som fekk velje middag og mitt val var pannekaker.)