Gåveposar på 1, 2..5

Takk til alle som kommenterte fredagens innlegg! Her kom det mange gode tips til gåver og kva som er kjekt å få. Det verkar som om mange både set pris på å gi og få handlaga gåver.

Eg synes innpakninga er halve greia med det å gi gåve. Eg liker godt å utfordre meg sjølv til å få til noko lekkert av det eg har liggande. Og det er ikkje lite. Er ikkje best på å hive, så eg har ei mengd med katalogar, blad, brosjyrar, brukt innpakningspapir,tapet, magasin o.l. Og dei er supre til innpakning, kort og å lage gåveposar av. Eg har vist dette i Brukt på nytt og, men ein god ting kan ein ikkje sei for ofte. Alle gåver blir noko ekstra om dei kjem i ein slik gåvepose..

1.Brett ned ein kant. Dette vert oppe på posen. Lim gjerne bretten fast.

2. Brett papiret rundt ei bok, ein makaronipakke, melkekartongar. Kva som helst, berre det har den storleiken du ynskjer på posen. Lim fast i sida  med limstift eller tape.

3. Brett botnen til som du plar brette på sida av ein pakke. Lim elelr tape fast. Ta boka ut av posen og lag gjerne litt skarpare brettar.

4. Dersom du ynskjer hol til handtak eller snor lagar du det med ein holemaskin.

 
5. Træ i handtak av gåveband, silke/fløyelsband, hyssing, garn elelr noko anna du har liggande. Træ gjerne kortet inn på hanken.

 Du kan også lukke posen slik.






Eg har brukt sider og omslag frå katalog frå klesfirma. Men som sagt så kan du bruke kva som helst.

Her har eg laga ei "korg" av ein fargeprøvebrosjyre.



Seinare i veka kjem eit super tips til kva du kan fylle dei med..