Påske av det ein har

Is there anybody out there?
Eller er alle på påskeferie? Eg reiser snart, men fyrst litt påskeblogging. 
Det er så herleg når våren enedeleg er her. Det spirer og gror! Det er kjekt å pynte opp litt inne, så alle kjem i påskestemning. Eg synes det er kjekt å prøve å pynte med det eg har og kan finne ute. Ungane har laga kyllingar og eg har laga krans og dekorasjon.

Ungane har laga supersøte kyllingar av det me hadde liggande. Dei har limt silkepapir, fjør, auger og nebb på ei vattkule som står på eit trepinne (grillspyd). Men kyllingar kan ein laga av det ein har liggande: garn, krølla papir,

Her er heile dekorasjonen: Eg har lagt litt oasis i botn av ei blomsterpotte (men grus/sand går sikkert og fint). Over har eg lagt mose (plukka på plenen faktisk ..) og så har eg stukke nedi kvitveis, kvistar og nokre blå blomar som dukka opp i hagen. Og så kyllingane sjølvsagt. Kvistar er så fint. Set dei i flasker, vasar eller krukker. Ta dei gjerne inn før dei spirer så får små og store med seg spiringa i løpet av kort tid.

Kyllingane pyntar opp i vanlege potteplanter og. Så er påskedekorasjonen fiks ferdig på 1, 2, 3.

Eg viser like godt noko av det ungane laga i fjor. Dei malte eit lerret (men her kan ein også bruke ei tre/papp-plate) og så teikna dei opp ein kylling. Her sette dei  på krølla silkepapir og litt fjør. nebben klyppte me ut i papir og augene er kuler. Rundt forbi pynta dei med egg klyppt ut av gåvepapir.

Eg har laga krans til døra vår. Har surra mange kvistar rundt kvarandre. Her kan ein sjølvsagt pynte med sløyfer, kyllingar eller egg, men eg synes og det er fint å ha kransen heilt enkel.

Surra ein runde med stålstreng rundt til slutt. Veldig kjekt å jobbe med kvistar og det er fint lite som er så fint.

Ellers held eg på med farging av ull. Heile veka etter påske vert via til dette.( De skal få alle detaljar..)
Eg kunne ikkje dy meg og måtte stikke handa nedi for å få fordelt fargen godt. Og handa vart blå. Går ikkje av: har prøvd med flekkfjernar og White spirit. Så slik reiser eg på påskeferie.. Alt for saka ;-)

Eg ønsker dykk alle ein fantastisk påske!
Og så må eg berre opplyse om at eg utset trekninga av ullpysjen til tysdag. (Hadde visst heilt gløymt heile påsken.) Så då går neste konkurranse frå tysdag til fredag.