Flekkfjerning

På ull legg skiten seg utanpå fibrane og dersom ein fjernar sølet med ein gong er det ofte lett å få vekk. Bruk ein tørr eller lett fuktig klut og sug opp sølet.  Men det er ikkje alt som er lett å få vekk og spesielt ikkje visst plagget har lege litt. Verstingane er etter mi erfaring banan, tran, avføring, frukt/bær, tomatsaus o.l. 
Lyse ullplagg vert og ofte litt grå etter kvart og spesielt nedst på erma og i halsen. Eg tenkte eg ville dele med dykk mine erfaringar og det kundar av oss har delt:



Det beste er jo å unngå flekkar til dømes ved å velge praktiske fargar på ullkleda, slik at flekkar ikkje visar. Det er også lurt å bruke bommullsplagg utanpå ullplagg; då tar bomullen støyten og kan vaskast ofte og på 60 grader. Dette er spesielt lurt i periodar der til dømes ungane lærer seg å ete sjølv og det vert ein del søl.

Det kjem veldig an på kva flekken består av. Eit flekkfjerningsmiddel er kanskje god på ein type flekkar og ikkje på andre. Det første ein bør prøve er å ta litt konsentrert ullsåpe på flekken. Kanskje går flekkane vekk med det og ein slepp å kjøpe inn spesialmiddel. Uansett kva ein brukar for å fjerne flekken er det middelet ofte sterkt for ullplagget og der er derfor viktig å
skylle plagget godt etter flekkfjerning. Visst ikkje ligg middelet igjen i plagget og tærar på ulla og kan lage hol. = VIKTIG

Oksegallesåpe:
Dette er eit ganske effektivt flekkfjerningsmiddel. Nøstebarn sin variant er i flytande form, men den er også i fast form.
Væt plagget og ha på såpe. La det gjerne ligge litt på plagget (10 min?). Skyl av såpa og gjenta dersom flekken ikkje er vekke.

Ein kan også ha oksegallesåpe i vaskevatnet eller i maskinen ved maskinvask (1-2ss), men det er nok mest effektivt å bruke middelet direkt på flekken.







Sitronsåpe: er også berekna til ull og flerie seier den er effektiv.

Olivensåpe: Er også eit vaskemiddel i fast form (?) for ull som ein kan få kjøpt i helsekostbutikkar.

Nylonvask:
Dette er ein god gamal travar. Ser heller ikkje ut som mykje er gjort med innpakninga dei siste 50 år ;-)
Eg brukte den mykje på bodyar som vart grå nedst på erma. Er effektiv på fleire slag flekkar.

Eg var ute og kjøpte ein tube i dag til biletet og då ser eg at den er merka med eit kryss utanpå pakken og teksten "IRRITERENDE" under. Så dersom ein vel å bruke denne må ein skylje EKSTRA GODT.






Zalo eller anna oppvaskmiddel:
Dette er speielt effektivt til flekkar som inneheld fett som til dømes tran, tomatsaus, dressing osv.

Lavendel: Av og til kan ein få vekk flekken, men lukta heng i. Til dømes oppkast og tran? Då kan det vere lurt å lufte plagget i frisk luft nokre dagar eller ein kan leggje plagget saman med ein lavendelpose. Då set lavendellukta seg i plagget og kanskje overdøyver ho den uønska lukta?

Sol: Har sett fleire tipse om å henge ullplagg ut i sola og at flekken då vil bleikne vekk. Det kan fungere, men ver klar over at lys ull kan bli gul av direkte sollys.

Ofte går flekkar og lukt vekk etter ei tid og fleire vask. Og dersom du ikkje få vekk flekkane kan du sy noko over. Eg hadde eit innlegg om dette før jul. Sjå HER.

Er det nokon som har erfaring med flekkfjerning på ull som dei vil dele?