Klippe, klippe!

Overskrifta i dag er henta frå eventyret "Kjerringa mot straumen". Mor mi bruker dette uttrykket kvar gong nokon held på sitt og vil gjere ting på sin måte 
-og absolutt ikkje vil gi seg. Men i dag er det meint som ei oppfordring til å finne fram saksa. Ofte er det nok å klippe litt i eit plagg for at det kan få fornya liv vidare:



Ullplagg litt tova i bruk, så ofte treng me ikkje gjere noko med kantane. Plagget vil ikkje rakne og fungerer slik dei er. Men vil du sy på kantar sjå innlegget som viser korleis du kan sy ulike kantar: Nye kantar.

• Body blir trøye: Dette er grei å gjere når bodyen er blitt for kort i overkroppen til å få knappa. Body er utruleg praktisk, men når ungane sluttar med bleie er det ikkje like praktisk.
• Er ermane korte kan du sy på ny kant eller klippe dei av slik at det vert korterma trøye.

  Pysj/dress:

• Er nedste delen av pysjen veldig slitt kan du klyppe av og bruke vidare til jakke.
• Dersom nedste delen ikkje er så slitt kan du sy bukse av denne delen. Sy då på ein kant som du trer strikk gjennom.

• Strømpebukser kan enkelt bli til longs eller mameluk?
• Langerma trøyer kan bli korterma?
• Magen på bodyar eller trøyer kan bli "buff" eller hals. Eller kanskje ei lue, dersom ein snurpar saman toppen med eit band?
• Ermane på trøyer eller kantar på sokkar kan bli pulsvarmarar eller leggvarmarar?
• Toppen av ei sparkebukse kan bli vest eller kjole?

Neste veke kjem det mange eksempel. Då kjem ein del av bidraga i konkurransen og her er det mykje som garantert vil inspirere :-)

Er det nokon som har tips til korleis ein kan endre plagg bare ved hjelp av saks?

*Klippe, klippe!* :-)