Lappesaker

I innlegget i går var temaet vasking og eg lova dykk ein glimrande måte å bruka dei kleda som er feilvaska (=tova) på. Ikkje hiv dei, men klypp dei opp og bruk dei til lappar. Det er mykje betre å bruke en ull som ikkje er tova fordi lappane då ikkje raknar og så er dei tjukkare (=meir å slite vidare på). Og når uhellet fyrst er ute er det glimrande å få brukt det til noko.

Du kan også tove i maskinen med fullt overlegg dersom du ikkje har noko som er feilvaska. Finn fram dei kleda som er utslite eller ikkje kan brukast av andre årsakar. Vert dei skrukkete etter vask kan du dampe dei før du finnfram saksa.

Klypp dei opp i ulike storleikar. Rune eller ovalar er lettast å sy på. Bruk gjerne eit glas eller liknande til mal fyrste gongen og så bruker du lappen vidare som mal. Det går veldig raskt.

I butikkane sel me fottelappar til lapping. Lappen til høgre er tova i vaskemaskin på 60 grader.

Lappane kan ein sy på for hand og maskin. Det kjem eg tilbake i eit seinare innlegg. Det er veldig lurt å ha lappar, saks, nål og tråd liggande klart. Eg har eit metallskrin ståande i stova og då er det kjapt å sy på ein lapp over eit hol framføre fjernsynet på kvelden. Stoppesopp og stoppegarn er også greit å ha. Stoppegarnet er forsterka med litt nylon og er tynt og lett å sy med.

Me sel stoppesoppar og stoppegarn i butikkane og i løpet av kort tid skal me ha det tilgjengeleg i nettbutikken også. Du får også tak i utstyret på ein del syforetningar. 

Takk for alle kommentarar! Så flott at de deler av dykkar erfaring og kjem med gode tips. Kvar veke trekkjer eg ut ein av kommentarane frå dykk og premien er ein lappepose som inneheld 6 fargar stoppegarn, stoppesopp og ca 50 oppklyppte lappar i ulike storleikar. Alt kjem i ein stoffpose eg har sydd av gardiner. (Stoffet på posane varierer)