Lapp i vei

Ulltrøye i farge Lilla melert.

I gårsdagens innlegg klyppte eg opp lappar til å sy på kler. I løpet av månaden skal eg gjennomgå mellom anna stopping og samansying, men eg meiner det er greit med lapping når:

• Holet er stort
• Plagget er tynnslite rundt eit mindre hol
• Til å dekke over flekkar som ikkje går vekk (sjå innlegg om dette her)
• Når du vil dekorere

Lappane kan me sy på med maskin eller for hand. Eg kjenner at det ofte er tyngre å setje meg til symaskinen og tre den i rett farge. Eg veit og at mange ikkje har symaskin. Eg kjem derfor i dette innlegget til å vise mest handsaum. Det er også lettare å ha kontroll på at stoffa ikkje glir når ein syr for hand. Mange ullklede er veldig elastiske og då er det lett for at det strekker seg og saumen blir bulkete. For å sjekke kva som tok mest tid av å sy på med maskin og for hand tok eg tida når eg skulle lappe ein stillongs.

Longs i Ull/Silke i fargen Lyng. Blåstripete lapp er sydd på med maskin og rosastripete er sydd på for hand.

På maskin: 2 min 16 sek. Overraskande lang tid? Det er litt knøvlete å få tredd stillongsen inn under maskina, men trening gjer meister. Eg byrjar alltid nede på venstre side av beinet/lappen og syr opp og rundt. (Altså med klokka) Har funne ut det er greiast. Ein kan ha tett sikk sakk eller opnare, brei eller smal.

For hand: 3 min og 36 sek: Altså tar dette litt lenger tid, men det er jo greit at ein kan gjere det medan ein ser på fjernsyn eller mens potetene kokar? Her har eg sydd med enklaste og raskaste saum nemleg forsting. Då eg jobba som lærar kalla me disse stinga "opp-ned-sting" og vanskelegare enn det er det ikkje. Det fungerer fint. Lappen er jo tova, så den raknar ikkje og mi erfaring er at lappen blir slite ut før saumen.

No er det ikkje nøye kva stinga heiter eller korleis du syr på så lenge lappen heng fast. Det er viktig å ikkje ha for tjukk nål. Bruk gjerne nåltredar dersom det er vanskeleg å få tråden gjennom auga: Stikk nåltredaren i nålauga, tre tråden inn i løkka på nåltrederen, dra nåltredaren ut av nålauga. Då fylgjer tråden med og du har tredd i nåla. Genialt enkelt!






Eg har brukt stoppegarn, men tynt strikkegarn/broderigarn går og fint.Tenkte eg ville vise litt fleire saumtypar ein kan sy lappane på med. Eg bruker litt store sting og garn i kontrastfarge for at det skal vere lettare å sjå. Tenkte det fanst ein slags "Broderiskule" som viste stinga trinn for trinn på nettet, men det fant eg ikkje. Om nokon har tips til noko slikt er det kjekt om de vil dele, så skal eg legge ut link :-)

Sikk sakk: . Stikk opp nåla rett på utsida av lappen og stikk nåla nedi litt innpå lappen eit stykke lenger til høgre. Stikk nåla opp eit stykke til venstre på lappen. Stikk nåla opp eit stykke til høgre utanfor lappen og sy eit sting på vranga mot venstre. Gjenta. Denne saumen er elastisk og ikkje vanskeleg når ein har prøvd litt. Den kastar også over kanten på lappen.

Kastesting: Stikk nåla opp litt innpå lappen, og stikk ned utanfor lappen eit stykke til høgre. Stikk nåla opp at loddrett ned eit stykke innpå lappen. Gjenta. Superenkelt,elastisk og kastar over kanten.

Tungesting: Stikk opp nåla rett på utsida av lappen, stikk ned lodrett eit lite stykke inn på lappen og stikk opp att der nåla opp at der du begynte.(la tråden ligge under nåla). Stikk ned litt mot høgre på innpå lappen og stikk opp lodrett opp utanfor lappen.(tråden under nåla). Blir veldig dekorative!?

Stinga kan varierast i det uendelege i forhold til lengde og kor tett ein syr dei. Eg synes det ofte kan vere fint å sy på med tråd i kontrastfarge, men i rada underst har eg sydd dei same stinga i litt meir matchande farge og med mindre sting. Dersom ein ikkje er best på å brodere kan det vere greit, for då synes ikkje stinga så godt ;-) Forstinga som er vist øvst i innlegget er nok det enklaste. MEN det viktigaste er å få vøt plagget, så sy i vei!

Har fått in bidrag til konkurransen denne månaden, men husk dei treng ikkje vere inne før 28.februar og det hadde vore veldig kjekt om også de som ikkje har lappa før blir med. Dette er ikkje ei tevling i prydsaum, men å vise kreativitet i forhold til å vøle ull :-)
Takkar for all tilbakemelding! Eg les alle kommentarane, men nokre av dykk får svar på det som de lurer på i løpet av månaden ;-)

Ønsker alle ei fin helg!