Nuppings

"Ull loer og piller noe, men på grunn av at fiberen er svak, blir nuppene lett slitt av" 

(Testiler, Bergstøl 1993)

Kor mykje det nuppar er avhengig av:

• Ulla: Kva type ull det er og om det er blanda i andre fibrar: Til dømes nuppar silkeull meir.
• Strukturen: måten plagget er laga på og korleis fibrane er spunne. Jo lønare plagg og jo lausare det er vevd/strikka/spunne jo meir nuppar. Fordi det er meir ullfibrar som ligg på overflata av plagget og kan samle seg i nuppar. 
• Brukarane av plagget: nokre nuppar meir enn andre. (Eg har ein unge av kvar..)
• Nærmiljøet: Dersom ein har syntetisk jakke over ullplagg, sit i syntetisk sofa eller kryp/går på syntetiske golv (f.eks tepper/laminat) nuppar plagga meir. Meiner eg har lest at det er fordi det dannar seg statisk elektrisitet og då nuppar plagget meir.

Nuppar er ikkje så fint, men plagget er akkurat like godt sjølv om det nuppar. Men det kan jo vere greit å fjerne nuppane. Mi erfaring er at plagget nuppar mest i byrjinga; fjernar ein nuppane kjem dei ikkje i like stor grad tilbake. På nokre plagg går det an å nappe av nuppane. Det finst nuppekammar i handelen, men disse har eg ingen erfaring med. derimot har eg med stort hell brukt batteridreven nuppefjernar:

Her er Ingebjørg sin Ribbjakke. Den er mykje brukt og har nuppa ein del.

Her er ermet etter ein runde med nuppefjernaren. Det er viktig å dra inn ev. lause trådar til vranga før ein byrjar. Ellers vil nuppefjernaren kutte dei av og plagget vil rakne.

Legg til bildetekst

 Min nuppefjernar er liten, 10 år gamal og kosta 50 kroner då. Den fungerer heilt greit. Ein nuppefjernar fungerer på den måten at nuppane blir sugd inn i holete munnstykke og så vert dei kutta av der. Nuppane hamnar i den blanke behaldaren og kan tømast.Den er batteridreven og batteria varer lenge.






Eg tenkte kanskje det hadde skjedd litt på "nuppefjernarfronten" og tok ein tur i butikkane. Mange likna min, men ein på Jula verka litt sterkare og betre enn dei andre. Denne vart min for ein knapp hundrelapp. Eg har testa den på ullfleece, ullribb, ullfrotte, heimestrikka plagg og tynn ull/silke. Den fungerer fint og går nok litt raskare og stoppa ikkje så lett opp ved gjenstridige nuppar. Den hadde har ei regulering på kor nærme knivane skal vere stoffet. Eg kan altså anbefale den, men trur nok ein kjem langt med dei til halve prisen og :)



På begge nuppefjernarane set det seg fast lo og ein må opne og ta vekk loa frå kniven. (Pass på at den er avskrudd når du gjer dette.) Den minste modellen var det lettare å opne og kome inn til knivane.


Nokon andre som har erfaringar med nuppar og nupperfjerning?



Og så til tremninga av vinnar av konkurransen forrige veke:

Vinnaren vart:

Jeg har arvet en ullpysj som har et digert hull i ene foten, altså tærne stikker ut. Jeg lurer på hvordan jeg skal håndtere dette, klippe av foten og legge opp eller forsøke å lappe. Har noen et tips?


Av Vibeke Solbue den Lapp i vei på 05.02.11

Send meg ein e-post med di adresse, Vibeke, så kjem lappeposen i posten!
Og tips om kva du kan gjere med pysj-foten kjem i eit innlegg snart.



Eg trekkjer ny lappepose neste mandag. Skriv ein kommentar på eit innlegg denne veka, så er du med i trekninga!