utan ein tråd -Nålefilting

Før jul fekk eg tips om å bruke teknikken nålefilting  til vøling av ullkler. Det er ein informativ video av framgongsmåte her.

Det ser jo heilt genialt ut? Dette måtte eg jo teste ut! Nålefilting er brukt av klesundustrien for å lage tjukkare ullstoff til kåper o.l. I dei seinare år er dette blitt populært også til hobbybasis. Eg har utstyret som skal til fordi ungane og eg har laga diverse figurar og pynt med teknikken. Det er overraskande enkelt å forme figurar og det er berre å leggje meir ull på og stikke videre dersom det er blir tynt somme stader.

Må innrøma at eg er litt skeptisk til å bruke teknikken på bruksplagg? Vil det ikkje berre hakke opp plagget? Vil det vere haldbart i bruk? Kanskje på plagg som er slitt, men vil det fungere å dekkje over hol?

Utstyr:
Ein treng ei spesialnål til nålefilting som har små haker som tar fibrane med seg gjennom stoffet og gjer at fibrane hektar seg i kvarandre og stoffet. Det finst og nåler som ein kan setje i symaskinen. Det må vere greit for det blir mange gonger ein må ta nåla opp og ned..
Karda ull. Det blå ulla på biletet er kamma og eg vil prøve om det fungerer også.
Underlag i skumgummi eller liknande.
(Alt er å få kjøpt i hobbybutikkar.)

Eg har funne fram ei sparkebukse i ullfrotte, ein tynn ullsokk med hol, ein ullfleecedress, ein longs i ull/silke med hol på kneet og kragejakke som er tynnsliten på albogane:

Sokk: Det fungerte overraskande bra. Litt utfordrande å få det jevnt tjukt, men likevel ikkje klumpete. Men det dekka holet og vart ikkje ubehageleg å trø på.

Longs med stort hol på kneet: Ulla dekka holet godt, vart mjukt og godt og nåla hakka ikkje opp stoffet (som eg hadde frykta..) Men eg måtte leggje ganske tjukt lag for at det skulle dekkje holet.

Sparkebukse i ullfrotte: Her fungerte det veldig godt.

 Laga eit hjarta på kneet..

 Ullfleecedress: Her brukte eg den kamma ulla og eg måtte børste den litt opp. (Skulle hatt karde!). Det var ikkje så lett å få det fint, men det gjekk. eg syntes også at det var greit at filtinga ikkje var så tett, sidan ullfleecen er ganske løn. Som de ser forma eg bil.

Så til kragejakken min: Den fekk ei stor oval filting på albogen. Måtte lage det ganske tjukt fordi det jakke skein gjennom ulla når eg fekk jakken på. Det kan vere at eg burde holdt på med stikkinga litt lenger, men no var eg litt lei.. Men fint vart det?









Konklusjon:

• Det hakka ikkje opp kleda og var overaskande enkelt å få til.
• Grei ting å gjere saman med ungane? (Ikkje for små ungar, lett å stikke seg.)
• Eg ville ikkje gjort det på babyplagg dersom ein ikkje er sikker på at fargestoffa er trygge og eg tenkjer at det kan vere kjekt for små babhender å plukke det av?
• Vil nokon oppleve at det klør når ein får det inn på huden? (Hansemann, som er veldig var på stikkete ting, reagerte ikkje.)
• Det fungerer, men vil det tåle vask og bruk? Eg har vaska fleire av kleda eg har vøla. (Trudde kanskje eg ville finne att filtinga som små ballar i vaskemaskinen, og var glad for at eg hadde tatt bilete før eg heiv kleda i vaskemaskinen.) Hansemann tar i bruk longsen og eg jakken, så skal eg gi dykk tilbakemelding om korleis det går.

Nokon som har meir erfaring med nålefilting enn meg og som veit korleis det fungerer i bruk?