Strikk til bruk! Vinnar og ny konkurranse

Takk for alle inkomne bidrag til konkurransen! Det har vore så utruleg kjekt og inspirerande å lese kva de har mellom nevane akkurat no. Ser at eg ikkje er den einaste som held på med mange prosjekt på ein gong. Eg måtte jo ta ei lita oppteljing og lage ei liste over dei som gjekk att:


Generelt er det:

1. Genser (89 stk)
2. Tepper (55 stk)
3. Jakke (52 stk)
4. Vottar (35 stk)
5. Ullbukser (29 stk)
6. Luer (28 stk) 
7. sokkar (27 stk)
8. undertrøyer (19)

Av dei som oppgav oppskriftene var desse dei som gjekk att:

1. Mor Signes babyteppe (35 stk)
2. Rullegenser (20 stk)
3. Tunika (16 stk) (Det kan også vere 1962 Tunika til barn?)
4. Heil dress (13 stk)
5. Bestefartrøye (9 stk)
6. Omslagsjakke (9 stk)

Eg vart heilt overvelda over kor mange som strikka på "mine" oppskrifter (2.-6. på lista)  Det er framleis "rart", (men stort!) Har derfor lyst til å vie resten av innlegget til å fortelje litt om kvifor og korleis oppskriftene blir til. Til slutt i innlegget kjem ny konkurranse, så heng på!

Men fyrst må me jo trekkje ein vinnar. Det kom inn 212 bidrag i konkurransen og vinnaren vart:

Ida sa...

Jeg strikker på et lappeteppe. En lapp for hvert strikkemønster jeg kan finne :-) Gøy måte å lære forskjellige teknikker på.

20. januar 2011 00:42 

Send meg ein e-post på kathrine@nostebarn.no så kjem garnet til deg i posten.

Eg skreiv i innlejinga at det er stort at så mange strikkar Nøstebarn sine oppskrifter. Eg har alltid strikka mykje og synes det er utruleg kjekt framleis (bombe!) Oppskriftene eg fann i butikkane fenga ikkje så veldig og eg strikka ein del etter eige hovud eller etter oppskrifter eg fann i Mamma sitt forråd.Mamma har eit lass med oppskrifter på gode bruksplagg frå 50, 60 og 70-talet. Eg liker at ting kan blir brukt og brukt. Er opptatt av at det skal vere både praktisk og fint. Liker det heilt enkle. Og mottoet mitt er "Strikk til bruk!" Det er gode brukskler me har bruk for! Spesielt godt liker eg når eg kan spesialtilpasse med dekor til den som skal bruke plagget. (Dette skal eg sei meir om i eit anna blogginnlegg.) Eg opna butikken for Nøstebarn på Sagene i Oslo i 2003. Det var då lenge sidan det hadde kome nye oppskrifter i Nøstebarn og eg laga mi fyrste oppskrift. Nemleg denne:

Raglangenser i dobbel 2-tråds merino (#1924 og Strikk til Nøstebarn). Sidan temaet denne månaden er restegarn har eg tatt med eit bilete der det er brukt Angoraull i natur som den eine tråden og så er det skifta med ulike fargar i 2-tråds merinoull i den andre. Dette er ein veldig god barnehage/skule/utegenser og oppskrifta sel framleis godt. Den skjønne klumpen på bilete er min Hansemann som der berre var vel eit år. Foto: Tove Breistein

Her har eg hatt farge 52 Dueblå med heile veien og hatt restar med 13 Mokka, 12 Naturbrun og 52 Dueblå med som farge nr 2. Ville lage ein tøff praktisk genser som ikkje vart så lett skitten og samtidig fenga eigaren.

Beltehjulastaren har eg laga i filt og tova ullbitar som eg har sydd på med garn.

Her er same oppskrifta strikka i 2 nye fargar : 42 Klar Lilla og 21 Bringebærrød. (Gensaren er finare i røynda enn på biletet. Vanskeleg å ta bilete av!)

Ideane til nye oppskrifter får eg frå vener, kundar og innfall. Strikkar ein prøve etter hovudet og så byrjar arbeidet. Det er mykje mattematikk bak oppskrifter. Dei siste åra har eg hatt lite tid til nye oppskrifter, men no er eg i sving att. Ein del av oppskriftene vert publisert på bloggen og nokre kjem med den nye katalogen i haust. Me har også i fjor og i år kjøpt desig av andre. Gled dykk!

Så ny konkurranse:

Premien er 500 gram 3-tråds Merino eller 2-tråds Merino. Eg trekkjer ein vinnar for kvar 100 inkomne bidrag. Og spørsmålet denne veka er:
Kva vil du bruke garnet til om du vinn? (Oppgi gjerne oppskrift og farge)

Så er me inne i siste veka i januar. Månaden har gått så alt for fort, så om eg skal få med alle planlagte innlegg om restegarn vert det skikkeleg maraton denne veka!

Ynskjer dykk alle ei flott veke!