vanskeleg vøling

Fleire har spurt korleis ein vøler hol ved sida av trykknappar. Eg har tygd litt på den: Det er jo ikkje hol i trykknappars, slik at ein kan sy fast knappen igjen dersom stoffet er rakna inntil knappen. Trykknappar er ikkje lurt å ha på plagg som er laga av strikka stoff (som til dømes ullfrotte og ullunderkler). Trykknappane kan lage hol i stoffet og når ein drar i plagget for å opne knappane er det stor belastning på plagget. Likevel har Nøstebarn valgt å ha trykknappar. Rett og slett fordi det er så praktisk.

Det er jo fristande å anbefale å finne fram superlimet og ta ein lite klatt på baksida av knappen og feste til stoffet. Men det er jo som å banne i kjerka: Me limer ikkje i tekstil! Me syr. (Eg er også usikker på kor haldbart det hadde vore med lim..)

Eg har derfor funne fram ein Body i Ull/Silke og ein ullfrottepysj der eg har laga meg nokre store hol ved knappen.

Eg syr med kontrastfarge på tråd og stoff, men det finaste blir vel å sy med mest mogeleg lik farge som plagget.

Pysj: På vranga fant eg ut at det gjekk ut å sy mellom laga på knappen. Sydde derfor gjennom knappen og litt forbi knappen på kvar side.

På retta sydde eg i stoffet som var inni knappen og sydde saman holet, slik at det vart festa inntil knappen. Blei kanskje ikkje så fint, men det held og holet er sydd att.

På bodyen valde eg ei anna løysing for her var holet større og nesten alt festet rundt knappen var vekke: Eg klypte vekk knappen og litt av kanten. Bretta ein bit av eit ullstoff rundt kanten og sydde den på med forsting. Så då var det berre å sy i ny knapp. (Ein kan gjerne bruke eit bendelban eller anna band og.)

På den andre delen av bodyen må ein og skifte knappen for at den skal passe til den nye knappedelen. Der klyppte eg berre vekk sjølve knappen, la ein liten bit med ullstoff på baksida og sydde fast med forsting.

Og slik ser det ut på andre sida: ullbiten ligg berre under som ei forterking og ein kan nesten ikkje sjå det.

Og slik ser bodyen ut når knappae er kneppa igjen. Eg sydde for han, men her hadde det fungert godt med symaskin og.

Oppdrag utført!


Andre som har gjort det på andre måtar?




Ynskjer alle ei god helg og minner om at måndag er siste frist for å sende inn bidrag til ullvølkonkurransen!