onsdag 26. oktober 2011

Ullvøl

I dag er det klart for innlegg 3 i mimreveka her på bloggen. I februar skulle tema vere korleis ein kunne reparere og bruke slitne ullkler på nytt. Eg kalla temaet ullvøl, fordi det handla om å vøle ull. Me hadde ein diskusjon i firmaet om dette var eit for sært ord, men det viste seg at de lesarar i alle fall skjøna tydinga. Det var ein aktiv månad. Eg hadde mange idear til kva eg skulle setje fokus på og fekk også mange innspel frå de lesarar. Eg sette meg til og sydde og laga modell på morgonen, fotograferte og så blogga eg om det. Det var kjekke og hektiske dagar.
Lapping var eit tema og eg viste korleis sy på for hand og maskin.

Lapping treng ikkje gjere plagga kjipe. Litt om vøling av ribbukser/strikka kler her.

Føter og ermekantar vert slite. Då er det greit å sy på nye. Les meir om dette her.

Vøling treng ikkje vere barnsleg eller grovt, men også ganske delikat.

Stopping steg for steg gjorde at fleire børsta støvet av stoppesoppane sine.
Me hadde ein konkurranse som pågjekk denne månaden. Oppgåva var å vøle eit nøstebarnplagg og sende oss bilete. Det var veldig mange som deltok og me viste dei fleste på bloggen i mars. Her ser du ein av vinnarane:


Cornelia var ein av vinnarane. Innlegget med presentasjon av alle vinnarane ser du her.

I tillegg var me inne på nupping, krymping, vasking, flekkfjerning, nålefilting og vanskelege tilfelle. Så treng du inspirasjon til ullvøling eller treng hjelp, sjå på innlegga for februar.

3 kommentarer:

Ellen Marie sa...

Snedig m påminnelser :-) har sydd om to bodyer til trøyer (siden eieren sluttet med bleie var d enklere med trøye). Har stoppet og lappet mye klær dette året takket være ullvøl-temaet (strikket mange lapper til strømpebukseknærne også). Veldig nyttig lærdom. Miljøvennlig, økonomisk og artige resultat. Tusen takk :-)

Anonym sa...

Hei Kathrine! Hjertet mitt hoppa over et slag her nettopp nå, da jeg leste at du skal slutte i Nøstebarn!

Ville bare fortelle deg at: 
-Det var bøkene dine som inspirerte meg til å lære å strikke for to år siden, og i dag har jeg strikka meg gjennom en god del av oppskriftene dine. 
-Og jeg har lært å reparere og gjenbruke klær av deg, og oppdaga de suverene fordelene med ubehandla ull. 
-Takket være deg føler jeg nå at klesvask-/og stell kun er en liten og hyggelig del av husarbeidet (og jeg har fire barn!), fordi vi rett og slett ikke trenger de samme mengdene med tøy etter at vi "konverterte" til Nøstebarn :-D 
-De to siste småttingene mine har fått en mer naturlig start, med tøybleier og hud- og bevegelsesvennlige plagg, takket være inspirasjon fra deg!

Alt i alt har DU med bøkene dine vært inspirasjonskilde til at jeg og min familie i dag har et sterkt fokus på lavere forbruk og bevisste miljøvalg, og ikke minst at vi opplever en enorm glede gjennom kreative aktiviteter i hverdagen!!

Dette vil jeg takke deg for, og ønske lykke til på veien videre:-) At du vil bli savna har du nok skjønt nå, men du har garantert masse godt å tilføre dit du skal. Og kanskje det er lov å håpe på en ny bok fra deg en eller annen gang...?

Mange klemmer fa KristinB :-)

Kathrine Gregersen sa...

Kjære dykk!
Takk for så gode ord!
Og så må eg sei takk i like måte, for det at så mange har kjøpt bøker, lest blogg og gitt meg tilbakemelding har vore veldig viktig og inspirerande for meg!
Og de skal ikkje sjå vekk i frå at det kjem både gjesteblogginnlegg, oppskrifter og nye bøker. Men akkurat no i tida framover skal eg ha fullt fokus på min nye jobb ;-)
Alt godt!